Գրատախտակ՝ երկրաչափական պատկերներով
Չափսեր։ 58x38x4,5
Երկրաչափական մարմիններով երկկողմանի փայտե գրատախտակը հաճելի և օգտակար նվեր է ձեր փոքրիկին։
Փորձը ցույց է տալիս, որ այն, ինչ պատկերված է լինում գրատախտակի վրա լավ է յուրացվում երեխաների կողմից։
2+ տարեկան երեխաների համար
Չափը՝58x38x4,5սմ
💡Ինչպես խաղալ՝
🔹 Գրատախտակի վրա նկարեք պատկերներ և երեխային խնդրեք գուշակել, թե ինչ է պատկերված:
🔹 Գրատախտակի վրա ձախ կողմում դրեք մագնիսի որևէ նշան և խնդրեք երեխային կրկնօրինակել այդ նշանը մի քանի անգամ տողի երկայնքով:
🔹 Խնդրեք երեխային գրատախտակի վրա նկարել իր ձեռքը և միասին սովորեք մատիկների անունները:
🔹 Երեխային խնդրեք, որ փակցնի մագնիսները արդեն իսկ Ձեր կողմից գծված ճանապարհով: Գծեք տարբեր բարդության ճանապարհներ՝ ուղիղ, ալիքաձև և այլն:
🔹 Գրատախտակին նկարեք որևէ երկրաչափական պատկեր և խնդրեք երեխային այդ երկրաչափական պատկերից նոր պատկեր ստանալ՝ ավելացնելով որոշակի դետալներ:
🔹 Երեխաներին խնդրեք, որ հերթով մոտենան գրատախտակին և շարունակեն նկարել նկարը: Միասին հետաքրքիր և ծիծաղելի նկար կստանան:
🔹 Երեխային խնդրեք, որ աչքերը փակի և խզբզի գրատախտակի վրա, մինչև Ձեր կողմից հնչի դադարեցնելու հրահանգը: Ապա խնդրեք երեխային իր խզբզածի միջից գտնել իմաստալից պատկերներ, սիմվոլներ:
🔹 Երեխային խնդրեք, որ միաժամանակ 2 ձեռքով մի պատկեր նկարի: Այսպիսի հայելային պատկերի ստեղծումը երեխայի մեջ զարգացնում է շարժումների կոորդինացիան, տարածական կողմնորոշումը, որն էլ մեծ դեր ունի գրելու և կարդալու հմտության զարգացման գործում:
🔹 Եթե երեխան գիտի կարդալ, ապա կարող եք մի երկար բարդ բառ գրել գրատախտակին և խնդրել, որ այդ բառում ներառված տառերից հնարավորինս շատ այլ բառեր կազմի:
🔹 Գրատախտակին պատկերեք 5-ից 7 երկրաչափական պատկեր: Երեխային խնդրեք մտապահել, այնուհետև ջնջեք պատկերները և խնդրեք վերհիշել ու վերարտադրել դրանք՝ նույնությամբ պատկերելով գրատախտակի վրա:
🔹 Նախապես գրատախտակի վերևում նկարեք ամպեր իսկ ներքևում՝ ճանապարհ։ Խնդրեք երեխային նկարել մեքենա և ինքնաթիռ: Երեխան պետք է կարողանա ճիշտ տեղում պատկերել նկարները: Ավելի փոքրերի համար առավել պարզ առաջադրանք կարող է լինել. օրինակ՝ երեսի վրա նկարել աչքեր, քիթ և բերան:
🔹 Կետագծերով պատկերեք որևէ առարկա, նկար կամ նշան և խնդրեք երեխային արտագծել այն:
🔹 Խնդրեք երեխային վերցնել որևէ երկրաչափական պատկեր, այնուհետև գտնել այդ պատկերի անվանման բոլոր տառերը, oրինակ՝ վերցնել շրջանը և դրա տակ հավաքել Շ, Ր, Ջ, Ա, Ն տառերը:
🔹 Խնդրեք երեխային գտնել երկրաչափական պատկերին համապատասխանող առարկաներ, նկարել դրանք, oրինակ - շրջան՝ գնդակ, խնձոր և այլն: